مستحيل انساك , قصايد حزن

[img][/img]


تخاوينا أنا وأنته على درب الصعاب أصحاب
تعاهـدنا على الإخلاص بربآ واحدآ عالي ..

دفعنا للعهد دمعه وشرينا للدموع أهداب ..
وكلن قدم لعهده ذراع وموثقآ........غالي

وتصافحنا على الطيبه وفتحنا للوفا أبواب ..
وشربنا المر بالقسمه ونتعازم على الحالي ..

تعانقنا على الفرحه عناق أحباب للأحباب ..
إلين أصبحت أنا منك وحالك صار من حالي ..

وحـالت بيننا الـدنيا وحطت للبعد أسباب ..
وصرت أبعد عن دروبك ولكنك وسط بالي ..

تجيبك لي خيالاتي وأرحب بك وأفك الباب ..
وأقلط طيفك بصدري وأمد بطيب فنجالي ..

وتشرب صافي العشره وتشكر ربك الوهاب ..
وترجعلي وتسألني عن أخباري وعن أحوالي ..

وأسولف لك وأنا حاير وأبين شوقي الغلاب ..
وينوي طيفك المسرى وأشدد له أشد ركاب ..

وترحل عني أطيافك ودمع العين همالي ..
وأرد لوحدتي وأحلف برب الناس والأرباب ..

لعيش العمر وافي لك في حلي وترحالي .